Zgjidhja e problemeve të matematikës është një art i cili përveç dijeve shkencore matematike kërkon dhe njohuri rreth teknikave të zgjidhjes së këtyre problemave. Në këtë punim janë paraqitur disa teknika të zgjidhjes së problemeve matematike të cilat i shërbejnë lexuesit, mësuesit apo nxënësit për të zgjidhur ushtrimet dhe për ta bërë sa më të lehtë dhe të kapshme këtë zgjidhje për të tjerët. Ky material u drejtohet studentëve të përkushtuar të matematikës. Dihet se vend qëndror në nxënien dhe përvetësimin e matematikës zë zgjidhja sistematike e problemeve. Problemet që kemi ndërmend janë ato që nxitin kurreshtjen, nuk janë zbatime automatike procedurash të mësuara përmendësh, por sfida mendore të mirëfillta.Qëllimi është ambicioz: duam të paraqesim në mënyrë sa më të përmbledhur ide, strategji, parime, teknika, shprehi për zgjidhjen e ushtrimeve dhe problemeve matematike.