Softueri mund të zgjidhë pothuajse çdo problem. Qëllimi është të dish se cili është problemi që shtrohet për zgjidhje. Me rreth gjysmën e të gjitha gabimeve softuerike të cilat e kanë origjinën në aktivitetet e nxjerrjes së kërkesave, është e qartë se kemi nevojë për një kuptim më të mirë të problemit. Të nxjerrësh kërkesat saktë dhe drejt është thelbësore në qoftë se duam të ndërtojmë sisteme që plotësojnë më mirë nevojat tona.
Ky libër ofron një referencë praktike për konceptet moderne të menaxhimit të projekteve që kërkohen nga organizatat ndërkombëtare të zhvillimit të sistemev informatike. Autori vë theksin shumë në aspektin njerëzor të çdo projekti, i cili është gjithashtu i rëndësishëm duke pasur parasysh se gjithmonë mbivlerësohen aspektet teknike ose teknologjike në kurriz të anës njerëzore, dhe ky është një tjetër burim kryesor i dështimeve të projekteve. Autori përshkruan teknika praktike, efektive dhe të testuara në terren për menaxhimin e procesit të nxjerrjes dhe administrimit të kërkesave të projektit.
