Vepra e vetme në shqip që na ka arritur prej Gavril Darës, "Kënga e sprasme e Balës" është një ndër kryeveprat e letërsisë sonë.

Në të katër pjesët e poemës, Gavrili i Ri pasqyron tragjiken e luftës së pabarabartë të arbërorëve kundër një fuqie të madhe ushtarake të Perandorisë Osmane, të shprehur përmes përshkrimit të tablove rrëqethëse të betejave dhe fatit tragjik të heronjve kryesorë, në përshkrimin e natyrës të pikturuar me ngjyra të errta, si sfondin dhe skena ku zhvillohej lufta. Në këtë poemë përshkruhen ngjarje të lidhura me dy betejat e Vajkalit, me betejat e Nishit, Tulovazit dhe Vlasag, me masakrën e ushtrisë osmane në fshatin Shkallë të Matit, me rrethimin e Beratit etj, por thelbi i kësaj poeme epiko - lirike është balada e Nik Petës me të bukurën Mara dhe me Pal Golemin

"Pas Jeronim De Radës, Gavril Dara i Riu mbetet poeti më i shquar arbëresh."