Stela Canga lindi në Tiranë në vitin 1984.

Ka filluar të shkruajë vjersha dhe poezi duke i ilustruar vetë që në fillore (8-9 vjeç). Rreth 12 vjeç filloi të shkruajë manga ('comic' në stil japonez). Fitoi çmim të tretë në një konkurs vizatimi në Tiranë në 1998.

Që prej vitit 1998 jeton në Athinë, Greqi.

Ka punuar si ilustruese në vende të ndryshme.

Në 2005 ka botuar novelën: "Sekreti i Glorias" nga shtypshkronja "Milosao", Sarandë.

Është nderuar me çmim në revistën "Akasuki" (Athinë, Greqi) në 2006 (çmimi i parë vizatimi në stil 'manga' për moshat mbi 18 vjeç).

Nuk ka pushuar së shkruari 'manga'. Ka 'rifilluar' të shkruajë poezi që nga viti 2003 (këto poezi janë zgjedhur nga periudha 2003-2004). Në 2012 botoi "Meeting Hearts" (në anglisht dhe shqip), një volum me tre histori të shkurtra romantike në stil 'manga' (one-shots).