Die sestien skrywers van hierdie bundel stories is deel van die Fynbosskrywers-groep. Hierdie is die tweede projek wat die groep saam aanpak. Hulle eerste was ’n dierestorie-CD gemik op 4–8 jariges. Die CD is verlede jaar op RSG uitgesaai en hulle het binne 3 maande hulle eerste besending van 500 CD’s uitverkoop. Die CD het in die begin van die jaar in Leserskring se hoofkatalogus verskyn en die hele bestelling plus veertig persent ekstra, is uitverkoop. Almal het al individueel in verskeie publikasies en genres gepubliseer, o.a. Kortverhaal-bundels, bloemlesings, opvoedkundige publikasies, vonkfiksie, tekste vir kinderteater, artikels, e.a.